AMIGOS DA DORNA MECA - O Grove

Outro video

2012-01-22T22:02:00.003Z

Seguimos a recopilar documentos gráficos da temporada pasada, xa que é tempo de dique seco e mantementos diversos nas embarcacións e deste xeito lembramos bos momentos no mar.
O sábado primeiro de outubro de 2011 celebrouse no porto do Grove a Regata do Marisco, un total de 27 dornas sairon con un tripulante abordo e outro sobre o dique de abrigo.

Video de Porto Meloxo

2012-01-11T22:29:00.003Z

O compañeiro Rafa Paterí, da Fanequeira, fainos chegar este pequeno video da II Regata de DOrnas de Porto Meloxo para que o compartamos con todos vos. Nos vindeiros días iremos compartindo outros videos que se van subir ao canal de Amigos da Dorna Meca no Youtube.

Pinos para palos

2011-12-26T23:37:00.003Z

Rezumando a resina

Neste tempo no que se celebra o cumpleanos de Jesucristo, tamén é época de picar os pinos, ou piñeiros (pinus pinaster), que servirán para aguantar as velas da Meca e da Laxe de Boibas, os pinos secando e as embarcacións están en terra descansando e preparadas para recibir os coidados que merecen na invernada. Tamén toca rematar da aparellar a Laxe de Boibas no que respecta a vela, palo e outros detalles, xa que esta temporada o que se fixo foi deixala co preciso para navegar en Carril.

Adianto do Video de Carril

2011-12-23T20:36:00.001Z

Ramón xa está a montar o video do X Encontro, coma todos os anos: un traballo de calidade.

Os barcos en terra

2011-12-21T14:29:00.002Z

Aínda que estaba previsto facer a varada uns dias atrás, por diversos motivos vímonos obrigados a adiar o asunto, pero finalmente esta mañán subimos A Meca no carro para que pase as festas na casa.

Coa varada desta mañán xa están todos os barcos da asociación en terra.

Proximamente anunciaremos a Asamblea por esta e outras vías.

O Concello de Vilagarcía sigue negándose a pagar a débeda

2011-12-12T15:36:00.002Z

O Concello imputa aos Encontros de Carril gastos que nada teñen que ver co evento para tentar xustificar o seu incumplimento como parte da organización.

Fotografía: Iñaki Abella, Farodevigo.es

Representantes da FGCMF presentaron por rexistro no Concello de Vilagarcía un escrito no que se debulla, e desarma, a resposta dada polo goberno desa cidade á Federación en relación á debeda do X Encontro de embarcacións Tradicionais de Galicia, celebrado en Carril este verán.

A groso modo esto é o que pasou: a Xunta de Goberno do Concello de Vilagarcía comunicou por escrito que o Concello non vai asumir a débeda de 21.000 euros do Encontro este ano 2011, e tampouco a vai incluir nos orzamentos do 2012. Alega para non facer esto último que xa aportou ao Encontro 100.000 euros, cousa que é totalmente falsa. Sin embargo di que estarían interesados en falar do Encontro de 2013... sen comentarios.

Tedes a información ampliada nestes enlaces do Faro de Vigo e na Voz de Galicia

Varada da Meca

2011-12-06T23:12:00.002Z

Mañán mércores imos a varar A Meca, para que pase o nadal en terra, que xa lle vai tocando, a partir das 14.00 horas estaremos arriandolle os cabos para lavala para a rampa do varadoiro vello e metela no carro.

O número 6 da revista Ardentía xa está a venda

2011-11-27T12:40:00.003Z

Desde esta fin de semana atópase a vosa disposición o número 6 da revista Ardentía, todos aqueles que estean interesados en facerse con un exemplar poden poñerse en contacto por correo electrónico ou por teléfono.
Nesta ocasión vaise vender a revista directamente na Asociación, así que todo aquel que a queira mercar pode xa pedila.

O Concello de Vilagarcía rexeita facerse responsable dos gastos ocasionados polo seu abandono no X Encontro

2011-11-02T11:22:00.004Z

Amigos da Dorna Meca aportou 10 socios á mobilización convocada pola FGCMF o pasado luns no Concello de Vilagarcía, finalmente despois do preceptivo cruce de acusacións e reproches entre os grupos políticos, a Corporación votou sobre a aceptación ou rexeitamento da moción presentada pola FGCMF, dando un resultado de empate, polo que o alcalde daquela cidade botou abaixo a reclamanción da Federación co seu voto de calidade.

Máis información no seguinte enlace:
http://culturamaritima.org/node/17105

O X Encontro e a débeda do Concello de Vilagarcía a Pleno.

2011-10-31T12:32:00.002Z

Hoxe imos a Vilagarcía de Arousa, xa que este Concello e a sua corporación entrante se fixeron os locos no Comité Organizador dos X Encontros de Embarcacións Tradicionais de Carril, hoxe imos asistir ao pleno para saber que pasa cos mais de 20.000 euros de gastos que provocou o seu incumplimento, as 15.00 h estaremos no local de Confín para repartirnos nos coche e ir alá.

A Convocatoria da FGCMF di:

Durante a organización e celebración do Encontro en Carril houbo problemas co Concello de Vilagarcia, quen simplemente "desapareceu" do Comité Organizador desde o cambio de goberno propiciado polas últimas eleccións municipais.

Debido a que o Concello non fixo ningunha aportación directa ao Encontro, tívose que asumir o que en principio lle correspondía ao Concello e como consecuencia hai un desfase no orzamento de 21.000 euros aproximadamente.

Dende a realización do Encontro ata o día de hoxe non foi posible falar co equipo de goberno do Concello de Vilagarcía de Arousa, a pesares de solicitálo a FGCMF en numerosas ocasións e por diferentes vías. Por esta razón a Xunta Directiva da FGCMF non lle quedou outra solución que manter reunións cos grupos políticos da oposición do Concello de Vilagarcia para tratar este tema (en principio mostráronse favorables), e fíxose unha petición para que sexa tratado no próximo Pleno e que poida intervir un representante da FGCMF nese Pleno.

O xoves, soupemos que o tema non estaba incluído na Orden do día do Pleno do Concello de Vilagarcía do vindeiro luns 31 de outubro. Por esta razón, os grupos da oposición van pedir o mesmo luns no Pleno, que pola vía de urxencia se inclua na orden do día o asunto do X Encontro. Na solicitude que se presentou no Concello se pide que un representante da FGCMF interveña no Pleno para explicar a problemática.

A xunta directiva da FGCMF pide o voso apoio e solicita a vosa presenza o luns no Pleno que terá lugar na sede do Concello ás 17:00 horas. É importante que fagades chegar esta solicitude de apoio a todos os interesados en defender o patrimonio marítimo galego.

Para coordinar o tema propoñemos:
-Estar o luns 31 na entrada do Concello as 16:30 horas, alí repartiremos unhas camisetas que nos identificarán.
-Neste intre trátase de facernos ver, polo de agora non faremos ruído. Polo tanto no caso de que ao inicio do Pleno non se acepte tratar o tema nese Pleno retirarémonos en silencio.

É importante que se poida pechar correctamente o X Encontro, xa que se así non fose estaríase poñendo en perigo, como mínimo, a convocatoria do seguinte Encontro.

Dias de marusía

2011-10-29T08:15:00.002Z

Esta semana tivemos mal tempo, na praia de Confín notouse ben a marusía, como vedes na fotografía o mar chegou aos cimentos do local, mais concretamente no repunte da marea mollouse a plataforma e todo, afortunadamente o vento non foi moito e evitou que houbera máis destrozos que que dos que xa houbo en Virxe das Mareas... e coma sempre despois do temporal veu a calma.

Poñendo juapo o local

2011-10-17T22:08:00.004Z

A pesares de que temos un tempo primaveral, xa vai sendo hora de pensar en invernar os barcos. Durante a Festa do Marisco quixemos facer algo de ambiente poñendo na plataforma do local unha dorna e o Rakú, como o racusiño estaba ben seco xa lle demos un par de mans de mejunge, como da fé a foto na que o vice Manolo puxo a sulfatadora ao rojo vivo.

Cando o barco estivo listo, esperando a ser gardado para pasar o duro inverno, foi momento de poñernos a adecentar o local que nos ten cedido o Concello do Grove, que xa que o usamos queremos que estea en condicións. O primeiro foi reafirmar a barandilla, tanto os postes como os cables e os listóns de madeira, que foron atornillados e recibiron unha man do protector da madeira que usaramos para o propio local.

O sábado pola tarde a plataforma na que se encontra o local foi chorreada con agua a presión, como preparación do que lle esperaba nesta tarde de luns, na que lle demos un tratamento a base de producto protector da madeira, quedou todo arranxadiño, e queda para outro dia a parte de atrás, na que está o Rakú.
Aínda que hai un grupo xeitoso de voluntarios a axuda que poida vir nunca está de máis, se botar unha man nestes traballos pásate por Confín pola tarde.

Pachanga do Pilar

2011-10-13T23:17:00.003Z

Como o día da Regata do Marisco fallou o vento, que non se presentou en todo o día, quedamos con ganas de máis. Si a esto lle sumamos que temos unha climatoloxía que nin na primeira quincena de agosto, obtemos a Pachanga do Pilar, é decirl que o 12 de outubro a tino de que non é dia de traballo para a inmensa maioría quedamos no local para facer unha regatiña máis informal, entre nós...

A saída decidiuse por sufraxio universal entre os participantes, así que 14 dornas vararon na praia de Confín, ao pé do local para completar un percorrido, con pouco vento pero un ambiente inmellorable.

Estaban case todas as dornas dos Amigos da Dorna Meca, ás que se sumaron a Lara Doce e a Secreta, e solo faltaron a Triñana, a Tesedeira e a Uxoa, que por motivos diversos non puderon estar, penso que non me queda ningunha atrás!

Foto: Lucía Álvarez

Aqui tedes a foto de familia do día, que non se diga que no Grove non hai afición ás dornas, e con esto rematamos a temporada 2011.

Agora toca ir arranxando as embarcacións para pasaren o inverno e traballar un pouco no local, manteremosvos informados.

Calma na Regata do Marisco 2011

2011-10-02T15:11:00.003Z

Foto: Alejandro Agrelo

O sábado, con unha previsión de tempo excelente, pero sin apenas vento, xuntáronse no Grove un total de 27 dornas, case toda a flota dorneira de Amigos da Dorna Meca estivo no mar para compartir unha tarde de navegación.
Na primeira fotografía podedes ver que introducimos unha novidade, a saída da regata fíxose con un dos tripulantes da dorna "en terra", mais concretamente no dique flotante do porto do Grove, e a vela recollida, no intre da saída o tripulante salta abordo e a navegar. O percorrido non pudo completarse porque o vento non dou para máis, e á altura do faro do Sinás ca correntada das mareas vivas facian que as dornas fora máis para atrás que para avante.

Foto: Alejandro Agrelo

Con todo, a nivel organizativo todo saíu moi ben, fixemos a entrega de premios (aos que foron entrando primeiros nos pasos obligados) e tomamos uns pinchos antes de despedirnos, xa non quedan regatas pero se o tempo nos deixa, o sábado que ven intentaremos facer unha pachanga ou algo. Mentras tanto, e para dar ambientillo puxemos a Siña María e o Rakú á beira do local e unhas dornas varadas na praia de Confín, os veciños encantados din que da gusto ver a plaia así, e os turistas facéndolle fotos.

Tedes máis fotos da regata nestes enlaces de:
Todogrove.com
Diario de Arousa

Regata do Marisco 2011

2011-09-27T17:12:00.003Z

Un ano máis remata a temporada de regatas de dornas a vela coa Regata do Marisco, esta edición terá lugar o vindeiro sábado 1 de outubro en augas do porto do Grove, a saída está prevista para as 4 da tarde, teremos a marea para arriba toda a tarde.
Esta regata inclúese no programa da Festa do Marisco, organizada por Amigos da Dorna Meca e co patrocinio do Concello do Grove.

A Rona remata segunda na Regata de Porto Meloxo

2011-09-26T09:31:00.004Z

Dani Otero, ecapouse do peltón na saída abordo d'A Rona

Este sábado celebrouse a IV Premio-Regata de dornas a vela de Porto Meloxo, na que participaron 30 dornas de calime, e acompañaron a travesía os barcos da asociación: a Laxe de Boibas e A Meca.

Cando o pelotón entrada na segunda volta do percorrido, que foi o de costumbre, empezou a chover, pero a maioría das embarcacións completou o percorrido. O podium quedou como sigue:

1º - Cariñosa. ACD Dorna
2º - A Rona. Dorna Meca
3º - Jalerna. ACD Dorna

Máis información e fotografías da regata en:
Todogrove.com
Farodevigo.es/arousa
blog da ACD Dorna

Volven as dornas ao Porto de Meloxo

2011-09-15T22:18:00.001Z

Mentras imos preparando a Regata do Marisco, chega a semana que ven unha cita que nos agrada moito, trátase da cuarta edición da Regata de Porto Meloxo, que organiza a xente do Bar Meloxeira e co patrocinio de diversas empresas locais.

O próximo sábado 24 de setembro, ás 3 da tarde por cousa da marea, imos a varar!!

Así foi a Concentración de Clásicos de San Vicente

2011-08-23T15:52:00.005Z

Pasamos a fin de semana en San Vicente, o venres chegábamos coa Meca, o Rakú e a Laxe de Boibas e o domingo saimos a navegar na regata, que este ano foi como unha especie de rally. Houbo bastantes embarcacións e moi variadas.
Pero non solo estivo Amigos da Dorna Meca representada cos barcos do club, senon que varios membros da asociación participaron cos seus barcos e algúns deles, como Fabián e Leiro, levaren estatuillas de premio para a casa.
Moitas gracias aos que vos animástedes a mover as embarcacións da Dorna Meca.

Tedes unha crónica e máis unhas cantas fotografía na prensa:

Todogrove.com

La Voz de Galicia

El Correo Gallego

IV Concentración de Clásicos de San Vicente

2011-08-15T19:38:00.003Z

Como ben sabedes, desde Amigos da Dorna Meca vimos colaborando na organización de este evento desde a súa creación, e este ano quixeramos asistir (como mínimo) coas 3 embarcacións da asociacion: o Rakú, A Meca e a Laxe de Boibas. polo que o mércores ás 20.30 horas quedamos para facer tripulacións de mínimos e repartirnos entre as ditas embarcacións, así que si estades interesados achegádevos ao local da Dorna Meca, na praia de Confín este mércores.

Ademáis quenes desexedes asistir nas vosas embarcacións, por suposto, podedes facelo e nos piden desde o Náutico que formalicedes a inscripción canto antes para optimizar os recursos e poder atender ben a todos os participantes, Tedes o formulario de inscrición no voso mail.

A Rona fai o 5º posto na Regata do Bao

2011-08-14T18:44:00.004Z

Ainda que queda pendiente unha entrada con unhas fotos da participación da Siña María na Festa do Río Cabe en Monforte, hoxe imos falar de regatas de dornas, outra vez.

Foto: Xan Caneda

Este ano o calendario de actividades estanos dando bastante cuartel, pero as citas ineludibles como é a Regata do Bao, que chegaba este ano á XXIII edición.

Por parte de Amigos da Dorna Meca estivemos 8 dornas, e tivemos de todo, desde averias ata os que non chegaron: uns egancharon en volta perdida e outros foren dar a volta á Arousa, disque para entrenar para o ano que ven.

Finalmente casi 40 dornas, e A Rona colouse no podio fancendo o 5º posto.

Mais sobre a clasificación neste enlace:

http://www.lavozdegalicia.es/arousa/2011/08/14/0003_201108A14C10993.htm

32 dornas na XIV Regata dos Faros

2011-07-11T11:38:00.007Z

Fotos: AmigaAtlántica

A pesares do desapacible que amencia este sábado a climatoloxía deu unha tregua aos Amigos da Dorna Meca para levaren a cabo a decimocuarta edición da Regata dos Faros, que se celebrou nunha soleada tarde de verán con unha brisa do oeste.

Pouco despois das 16.30 h daba saída a regata con un total de 32 dornas inscritas, a terceira parte das cales eran grovenses, que completaron en algo máis de dúas horas as dúas voltas ao campo de regatas, e que sufriu unha modificación ao trazado inicial, quedando en un triangulo entre o porto do Grove, a baliza do Arido e a delimitación do polígono de entrada ao Grove.

A regata decidiuse ao remate da primeira volta, que se ben foi dominada pola Fuxe, ao inicio da segunda era a Nécora a que se escapaba no largo entre o porto e o Arido, con unha vantaxe de algo máis de media milla, o que significou arrincar máis de sete minutos aos seus perseguidores máis inmediatos, pero isto non foi óbice para que se mantivera a intensidade da loita polo podio, tanto foi así que as 4 embarcacións seguintes en cruzar a liña de meta o fixeron en pouco máis de un minuto.

Podium:

Nécora. AC Dorna. Illa de Arousa
Xarandeira. ACXD Fasquía. Illa de Arousa
Forza R. AC Dorna. Illa de Arousa
Fuxe. Dorna Meca. O Grove
A Rona. Dorna Meca. O Grove

Galerías de imaxes:

Picasa de AmigaAtlántica (600 imaxes)
Todogrove. com

XIV REGATA DOS FAROS

2011-07-06T18:25:00.000Z

Este sábado 9 a partir das 4 da tarde no porto do Grove

Alá foi o X Encontro

2011-07-04T20:24:00.006Z

O xoves comezaron a arribar as primeiras embarcacións a Carril, algunhas delas desde Vilaxoán, onde se celebraron as xornadas previas e outras chegaban desde os seus portos de orixe. O pequeno porto de Carril foi "desaloxado" para dar cabida ás 150 embarcacións inscritas para o X Encontro, organizados no interior da rada por tipoloxías e medidas na medida do posible; e no exterior os máis grandes e os barcos con orza.

Na mañá do sábado, desde as 11 da mañá, as tripulacións tiveron oportunidade de visitart a illa de Cortegada, todo un paraíso natural digno de ver, e que durante moitos anos foi propiedade privada nas mans da monarquía e de unha promotora inmobiliaria, ata que o 30 de agosto de 2007 foi recuperada pola Xunta, despois de pagar 1,8 millóns de euros de xustiprezo. Moi recomendable a visita a este histórico enclave da nosa ría.

Agardando a pasaxe

O primeiro que se atopa ao desembarcar en Cortegada

A tarde do sábado foi un dos puntos álxidos do X Encontro, o muelle ateigado de xente e sobre as 5 da tarde o persoal botouse a aparellar os barcos e a navegar con unha brisa do sur. A sensacíon que transmitía o estar no mar, no medio de ducias e ducias de velas: cangrexas, latinas, mísitcas, ao tercio, marconis... era algo moi dificil de explicar. Era todo unha mostra do que se pode facer con ilusión e compromiso de moitas moitas persoas.

O ambiente en terra era excelente

Velas e máis velas no mar de Arousa

A Sara O tamén andaba por alí

A Meca, coa vela nova, e o Rakú daba justo velos

"Quen estivo en Carril puido percibir un estado de ánimo entre todos os implicados no Encontro, un sentimento de estar xuntos nunha tarefa. Houbo pequenos fallos como sempre hai, houbo xente molesta por eses fallos, pero incluso esas persoas facían a súa crítica deixando claro que o importante era tirar para adiante, que o Encontro era o importante"

A estrea da LAXE DE BOIBAS

Hai un par de anos facíamonos con unha embarcación que se ia desguazar, hai uns meses Manolo e Pablo (os da Siña María) decidiron porse mans á obra e recuperar a dorna de tope e preparala para a navegación a vela.
Aquí vos deixamos un par de fotos da LAXE DE BOIBAS, que toma o nome da laxe sobre a que foi restaurada, que foi navegando a Carril, participou nos encontros e chamou a atención de quen se fixou nela, este foi o primeiro acontecemento no que tomou parte o novo navío da Asociación, e seguro que seguirá a navegar no futuro.
A falta de uns pequenos detalles de aparellar a dorna navega xa, e navega moi ben, gracias ao bo traballo que fixeron Manolo e Pablo!!

Chegando a Carril

GRACIAS E NORABOA POLO VOSO TRABALLO

O mapa de Carril

2011-06-30T12:25:00.004Z

Fai click para ver o mapa en tamaño grande

Aqui tedes o mapa do porto de Carril e os lugares asignados as nosas embarcacións (en verde), sede "jiados" e portádevos ben.

Porto de Carril

A antesala do X Encontro

2011-06-29T00:00:00.005Z

Gerard e Ibor no RAkú

Na fin de semana levouse a cabo a Semana Náutica de Vilaxoán, que este ano estivo baseada nas xornadas previas oa X Encontro de Embarcacións Tradicionais de Galicia Carril 2011. O xoves arribou a este porto A Meca e o sábado fixoo o Rakú.

A Meca (de popa) no pantalán "dos grandes"

Durante o sábado e o domingo houbo actividades moi diversas: visitas á Illa de Cortegada, música ao vivo, xantar de confraternidade e sobre todo navegación. As fotos que ilustran este post foron tomadas na tarde do domingo.

Ademais de parte da flota da Asociación: o Rakú que volveu ao mar do seu retiro invernal en Moreiras, e a Meca, que leva unhas semanas de navegacións casi diarias, tamén desplazaremos a Carril a nova dorna de tope que se acaba de recuperar para o club.
En Vilaxoán tamén estiveron varios socios da Dorna Meca coas suas embarcacións: a Sara, o Xeiteiro, o Ayala, o Voodoo e o Pappaleison.

Galeóns, bote e trincado

A Sara tamén estivo

O Ría de Ferrol e o Bote de Pau, ferrolans 100%

Ambiente de Encontro

O galeón Eliseo en rumbo de "coalición" coa Maristela

A Irmandiña

Galeóns: Nuevo Sofía e Eliseo

A vindeira semana estaremos todos en Carril, un Encontro máis (e van 10), un ano mías (e van 20), seguiremos a traballar pola cultura marítima, polo recoñecemento do noso patrimonio, o seu mantemento e a súa socialización. O importante é o traballo que fai cada persoa que conserva, lija, repara, pinta e navega unha embarcación; os que estudian e documentan esta parte da nosa historia e a nosa identidade. Así ten que ser, a pesar de que haxa algúns que se empeñen en intentar impedilo.

Máis información sobre Vilaxoán neste enlace á web da FGCMF

PROA A CARRIL!!!!

Unha volta ata Rúa

2011-06-26T22:29:00.002Z

Este sábado, mentras o Rakú ía de camiño para Vilaxoán, onde o agardaba A Meca, os que quedaron no Grove saíro a velear coa brisa leve que tivemos despois das 4 da tarde. Cinco dornas puxeron proa á Illa de Rúa, para unha visita algo fugáz, xa que o vento, que non era moito ía perdendo forza a medida que o facía o sol. Había ambiente polo canal, moito veleiro, e na illa de Rúa estaba amarrado o Chasula, que tiña traballo.

Vedes nas fotografías da volta, que o vento era moi frouxo, pero fumos indo ata chegar ás bateas de Meloxo, onde finalmente houbo que armar remos e bojar, sin matarse moito, porque se estaba mellor no mar que en terra.

Na XXVII Volta á Arousa

2011-06-20T15:58:00.004Z

Foron 6 as dornas que partiron do Grove cara a Illa de Arousa para participar na XXVII Volta á Illa, unha proba que transcorreu sen maiores incidentes e que este ano se adelantou notablemente no calendario.

Un total de 42 embarcacións foron as que conformaron a flota que completaren o percorrido con vento da travesía de entre 7 e 10 nudos, e que finalmente rematou con un podio de dornas locais, rematando 3ª a Pereka, 2ª a Nécora e 1º a Jalerna, con Ricado e Carterola abordo que gañan esta regata por segunda vez: Noraboa chavales!
A Fuxe rematou no 6º lugar.
Pinchando aquí tedes a galería de imaxes da Regata de Maricarme Aguín

Os vencedores

Foto de Maricarme Aguín, tomada de http://acddorna.org/blog

8 dornas do Grove en Portonovo e podio!

2011-06-13T12:54:00.003Z

Un total de 8 dornas dornas compoñía a expedición de Amigos da Dorna Meca en Portonovo, onde este sábado se celebrou a IV Regata do Sepelo (que non sepelio) e que organizaron os compañeiros de Amigos da Dorna de Portonovo.
Un ventiño suave do noroeste con algunha racha moderada foi a constante de toda a tarde. A saída deuse pouco despois das 16.30 h e comezou o percorrido habitual desta proba, na que os primeiros clasificados empregaron preto de 2 horas en completar.

Das embarcacións de Dorna Meca desplazadas destacar os bos resultados na competición, xa que en un total de 24 participantes, das nosas metéronse 4 nos 10 primeiros, a todos eles noraboa!

Clasificación:

1ª NECORA - Cultual Dorna
2ª XARANDEIRA - Fasquía
3ª BAZARRA - Cultural Dorna
4ª FAISCA - Dorna Meca
5ª A RONA - Dorna Meca
6ª FUXE - Dorna Meca
7ª JALERNA - Cultural Dorna
8ª CARACOLA - Cultural Dorna
9ª MIMELA - Cultural Dorna

10ª TRIÑANA - Dorna Meca

Fotografías cedidas por Amigos da Dorna de Portonvo

WWW.DORNAMECAOGROVE.ORG

2011-06-12T15:07:00.004Z

Desde hoxe mesmo podes entrar nesta nosa páxina web desde http://dornameca.blogspot.com e tamén desde www.dornamecaogrove.org

Inscritos para Carril 2011

2011-06-07T23:18:00.004Z

Hoxe martes os dorneiros estabamos convocados a unha reunión no local para tratar varios temas.

Seguros.
Toca renovar o Seguro de Navegante que nos xentiona a FGCMF, para elo é preciso aportar os 10 euros e o DNI do socio que queira gozar deste seguro persoal de accidentes, o cal recomendamos facer para tomar parte das actividades no mar.

Carril.
Tamén demos conta do que sabemos sobre o X Encontro de Embarcacións Tradicionais de Galicia, a celebrar a partir do vinceiro día 30 en Carril. Xa son varias as embarcacións de socios que formalizaron a inscrición, e tamén hoxe se inscribiron as embarcacións propiedade da asociación.
Esta é a web do X Encontro, na que podedes seguir as novedades e incluso as inscricións.

A Meca.
Hoxe saiu A Meca a navegar, probaronlle a vela nova que mercamos hai escasas semanas e, segun dixeron os que a probaron: "vai coma unha paloma". Hai intención de darlle movemento á dorna grande, así que os que queirades probala, ou formar parte da tripulación poñédevos en contacto.

Xa estamos nela...

2011-05-31T14:47:00.007Z

Este sábado pasado desplazámonos ata Ribeira, ali se celebrou a 4ª manga do XIV Campeonato de primavera de Lajareu.

Chegamos alí con 4 dornas, dúas chegaron por mar e outras dúas por terra, e con máis tripulantes que embarcacións (caso curioso) co que houbo "equipasos" de 3 para regatear. O conto é que esta proba foi unha das mangas que organiza a Asociación Lajareu a nivel interno, pero isto non foi óbice para que nos deran unha calurosa acollida e que saíramos a disfrutar de unha tarde de navegación con pouco vento.

A pesar de estarmos regateando "fora de concurso" cabe señalar que A Rona e a Faisca fixéronse un meritorio lugar entre os cinco primeiros...
A próxima cita será o día 11 de xuño en Portonovo, na IV Regata do Sepelo. E tamén contarvos que A Meca xa se atopa na súa boia en perfecto estado de revista.
(Gracias a Daniel Otero por mandarnos as fotos!)

A traballar

2011-04-14T18:01:00.003Z

Celebrada a Asamblea, o pasado día 26 de marzo, aqui tedes unha nova sobre o que alí se falou, en Todogrove.
Polo tanto xa se está acometendo o mantemento d'A Meca, nomeadamente do interior da embarcación e nos próximos días continuaremos co exterior do casco.

Tamén retomamos as reunións dos xoves no local, coa intención de vernos as cara e ir preparando a temporada de navegación e regatas, polo de pronto xa estamos a preparar unha pachanga para os que queden no Grove esta semana Santa, e tamén para ir formalizando o tema dos Seguros de Navegante.

Asamblea Xeral Ordinaria

2011-03-22T23:09:00.003Z

Este sábado 26 de marzo temos convocatoria de Asamblea.

ASEMBLEA XERAL ORDINARIA

Lugar: Sala de xuntas do Pavillón de Deportes Náuticos. Porto do Grove

Día: sábado 26 de marzo de 2011 Hora: 19.30: h / 20.00 h en 2ª convocatoria

Orde do día

1. Aprobación da acta anterior, se procede

2. Dación de contas

3. Seguros de navegante e embarcacións da FGCMF

5. Temporada 2011

6. Varios:

Rogos e preguntas

Xornada sobre Embarcacións Patrimoniais

2011-02-11T18:10:00.004Z

(Clik na imaxe para descargar o programa)

O obxectivo da xornada é estudiar a situación actual dos barcos de interese patrimonial, tanto do punto do vista da súa protección como Patrimonio que son, como desde o punto de vista da normativa de navegación que lles é de aplicación e inclusive desde o punto de vista das dificultades para establecer unha definición de embarcación tradicional que non estea suxeita a interpretacións en cada caso que se presente.

Amigos da Dorna Meca estará participanto desta xornada, representada polo presidente da asociación.
Se estás interesado en inscribirte é preciso mandar un correo a teresa.rojas.suarez@xunta.es indicando o nome e entidade a que se pertence.

A Pachanga do Pilar

2010-10-13T21:14:00.005Z

Como a previsión para o martes era de día festivo e con unha airexa de norte, puxémonos de acordo para salir a navegar, cada un puxo un pouco da súa parte e organizamos unha pachanga.
Con todo botámonos ao mar 9 dornas, preparamos un recorrido non moi longo e aos dous minutos demos a saída.

A ver, pa onde imos?

Como quedou dito tivemos concurencia e saímos a dar uns bordos ata o arido , para coller a baliza de entrada no porto e logo para terra de novo.
A tarde sirveu para pasar un dia de navegación xuntos, e incluso para que algunha socia se estrenara na navegación en dorna.

Primeira lección: hai que poñer o torno antes de baixar a dorna

Ao chegar a terra houbo unha cuchipanda para os participantes nun ambiente inmellorable: arros con marisquiños bivalbos e uns xureles-caneus na brasa. Despois incluso se entregaron uns modestos trofeos aos mellores do día. Así da gusto.
Esta seguro que é para moitos de nós a última saida a velear deste ano, e quedamos con un moi bo sabor de boca, polas viandas e mais pola experiencia. Para a temporada que ven esperemos que máis e mellor. (Se o vento non nos dá tanta estronda coma este ano...)

Acabouse a temporada coa Regata do Marisco

2010-10-10T22:35:00.004Z

Foto de familia da regata

Este sábado tivemos un día espléndido para celebrar a Regata do Marisco 2010, preto de 15 dornas tomaron a saída na última regata da temporada, a inmensa maioría delas do noso club, aínda que tamén estiveron dornas da Illa de Arousa e de Vilanova.
Para Amigos da Dorna Meca este foi un bo remate da temporada xa que todo saiu ben nesta última cita na que completamos un pódium meco.

A clasificación quedou como sigue:
1. Semparada. Dorna Meca
2. Fuxe. Dorna Meca
3. Lamaschica. Dorna Meca
4. A Rona. Dorna Meca
5. Siña María. Dorna Meca
6. Marijuana. Dorna Meca
7. Bandalla. ACD Dorna
8. Fanequeira. Dorna Meca
9. Faisca. Dorna Meca
10. Javiota. ACD Dorna

Aqui tedes a galería de imaxes de Todogrove.com
A noticia en Faro de Vigo e na Voz de Galicia

Regata do Marisco 2010

2010-09-26T13:41:00.004Z

A REGATA DO MARISCO CAMBIA DE DATA
celebrarase o vindeiro fin de semana en lugar do día 2

A Rona, primeira en Porto Meloxo

2010-09-25T19:01:00.004Z

Un total de 27 embarcacións foron as que tomaron a saída nesta terceira edición, na que tiveron que completar dúas voltas un percorrido triangular entre o porto, o Faro das Pedras e unha baliza fondeada na praia da Mexilloeira, e que se desarrollou con ventos de compoñente noroeste e intensidade variable.

O premio para a dorna mellor clasificada quedou no Grove, foi para a A Rona, tripulada por Daniel Otero e Lucía Álvarez, a Asociación de Amigos da Dorna Meca, a que entrou primeira na liña de meta tras un intenso man a man entre o grupo de cabeza de regata, chegando incluso a perigar a súa posición por unha mala manobra nun dos últimos bordos de ceñida para encarar o remate da regata.

Foi esta ceñida desde a Mexilloeira ata a bocana de Porto Meloxo que decidiu a clasificación da proba, e foron Juan Manuel Parada e Juan Servando a bordo da Forza R a segunda en completar o percorrido seguidos da Mimela, tripulada por Salva Allo de Adelino González, ambos da Asociación Cultural Dorna da Illa de Arousa.

Outros premios

Pero non se acabou ahí o recoñecemento aos participantes, xa que a organización se reservaba algunha que outra sorpresa, deste xeito tamén se agasallou ao tripulante de máis idade, que foi José Paz que aos seus 76 anos é un habitual das regatas de dornas a bordo da Freixana; e tamén Manuel Meis levou un agasallo por ser o dorneiro máis mozo, que con 10 anos de idade navega na Nocra. E non parou ahí a cousa, xa que tamén houbo un trofeo para “o primiero pola cola”, un revulsivo contra o desánimo para as tripulantes da Chati.

Participación

As preto de trinta dornas participàntes chegaron a Porto Meloxo desde diversos puntos, ademáis das 10 dornas que aportaron os membros da Asociación de Amigos da Dorna Meca, hai que sumar os participantes da Asocaición Lajareu por Barlovento, de Ribeira: da Asociación de Amigos da Dorna de Portonovo; Asociación Mar do Bohido, de Cambados; e da Asociación Cultural Dorna, da Illa de Arousa.

Esta regata foi organizada polo Bar Meloxeira coa colaboración de Amigos da Dorna Meca.

A seguiinte cita para as dornas será o vindeiro sábado, no porto do Grove, con motivo da Regata do Marisco 2010, e coa que se pon remate á temporada desta competición.

Fotografías e video en Todogrove.com

III Premio Regata dornas a vela Porto Meloxo

2010-09-20T11:25:00.002Z

Este sábado volven as dornas a Porto Meloxo co III Premio Regata dornas a vela Porto Meloxo.
Esta é unha cita festiva, a temporada vai rematando e un ano máis a xente do Bar Meloxeira aposta por convocar as dornas a vela nesta praia, e Amigos da Dorna Meca non pode máis que brindar o seu total apoio na organización.
A saída está para as 4 dda tarde, e teremos que andar vivos e atendos ao reloxo que alí a marea non perdona.

I MEMORIAL TITO SILVA

2010-09-16T12:40:00.003Z

O pasado sábado 11 de setembro asistimos unha representación de Amigos da Dorna Meca ao I Memorial Tito Silva, que reuniu en Cambados un amplo abano de velas e formas...

Fotografía cedida por Fernando P.

Do Grove acercáronse a navegar outros amigos cos seus barcos, como Paco, no Ayala; Leiro, no seu Snipe; Gerardo e Klaus, no Voodoo; Ricardo, na Plaia da Panadeira, ou XA Ochoa, a bordo da Sara O.

Se queredes saber mais sobre Tito Silva e ver algunhas fotografías da tarde de mar, pinchade nestes enlaces:
Bou de Vara. "En memoria de Tito"
Dornablog
Acd Dorna. "I Memorial Tito Silva. A dorna de tope"

III Regata de Clásicos

2010-08-30T18:23:00.008Z

A Asociación de Amigos da Dorna Meca, volveu a colaborar co Club Náutico San Vicente do Mar na organzación deste evento, queremos dar as gracias a todas as asociacións e tripulantes que se achegaron ata O Grove para tomar parte da concentración e III regata de clásicos De San Vicente.

Xuntos estamos conseguindo que esta sexa unha xornada de convivencia na que se reunen barcos moi diferentes pero con moitas cousas en común. Nesta terceira edición acadáronse os 24 barcos participantes e o domingo foi unha xonrada estupenda para velear, lástima de un pouco máis de vento...

Non faltou a Meca e algunhas dornas dos socios, e ainda que o importante é participar aquí vos deixamos o reparto de premios.

- Sara O, de Xosé Avelino Ochoa, embarcación con maior número de tripulantes da Escola de Vela do Club Náutico San Vicente.

- A dorna xeiteira Rabandeira, da Asociación Rabandeira de Vilanova de Arousa, como primeira clasificada na categoría de barcos de traballo.

- O Aguete, motovelero propiedade da Armada Española, como primeiro clasificado nos barcos Espírito de Tradición.

- O gañador en barcos clásicos foi o Ébano, un vela lixeira da clase Snipe, construído en madeira laminada nos estaleiros Lago de Vigo en 1970, tripulado polos irmáns David e Sonia Leiro.

- O premio ao barco máis fermoso por votación entre os participantes foi para o Naia, de Pablo Blanco.

- O premio ao barco de Época foi a parar ao galeón Nuevo Sofía, da Asociación Rabandeira de Vilanova de Arousa.

Volvemos a Combarro

2010-08-23T23:14:00.004Z

Un agosto máis asistimos á cita cos compañeiros de Combarro, e xa van 15 anos de Concentración de Embarcacións Tradicionais.

Despois de xantar partía A Meca do porto do Grove con moi boa marcha, que non durou moito, para ser exactos ata Con de Fora, onde se movía un neboeiro intenso que obrigou a afinar os sentidos para ver e ser vistos. Ata cegar a divisar Portonovo a néboa era mesta como os pelos dun can, pero de aí en diante a Meca foi costeando e algo mais adiante puxeron rumbo sur, xa que a na outra banda da ría de Pontevedra estaba o día claro e ben despexado.

Unha vez alí navegamos e compartimos bos momentos en terra entre barcos e amigos. Aínda que o tempo non foi moi apacible fixemos todo o posible para disfrutar da cita.

REGATAS

Por causa de un problema loxístico non dispoñiamos de unha dorna de 9 cuartas en Combarro polo que houbo que buscarse a vida para participar na regata de remos, así que o presi Lino, o vice Manolo e o noso Fabián embarcaron na buceta A Boureante, cedida para a ocasión para tomar parte da regata:

conclusión 1ª: o importante é participar e non embestir!

conclusión 2ª: Que-REMEdios!

PROXIMA CITA

O vindeiro fin de semana participaremos co'A Meca na Concentración e Regata de Clásicos de San Vicente, na cal colaboramos nos temas de organización. O regateiros teñen a posibilidade de asistir coas dornas á Regata do Bao, e tamén está a alternativa do XIV Encontro de Embarcacións Tradicionais de Bueu.

Como todos somos maoires de idade cada un irá a donde prefira.

Novedades varias

2010-08-16T15:50:00.003Z

Hai xa algún tempo que non damos conta do que acontece no eido da Asociación, pois agora é o momento de poñerse ao día.

XIV REGATA DOS FAROS.

Esta cita ilusionante tivo que ser aprazada por motivos dos fortes ventos que tiñamos na mañá do 17 de xullo. Tras unha posta en común dos membros da directiva e algúns dos socios que participan da organización, a Xunta Directiva acordou tomar a decisión de aprazar a regata, xa que a responsabilidade última no aspecto da seguridade no mar, recae sobre o presidente da Asociación.
Afortunadamente puidemos avisar a participantes, lanchas de apoio e demais partes interesadas para que ninguén dera viaxes en balde.
A nova data está por determinar.

III REGATA DE SAN VICENTE

Celebrouse este sábado 14 de agosto, entre a Lanzada e Pedras Negras, un ano máis en estreita colaboración co Club Náutico San Vicente do Mar, e con un vento que finalmente dou unha tregua para poder velear, con rizos, eso si.
A nova e fotografías en Todogrove.com
A organización desta regata seguiu os cauces habituais pero o número de dornas participantes foi ínfimo, practicamente reuniuse o quorum mínimo e indispensable para poder chamarlle regata.
Con estes vimbios hai que facer o cesto, que quere dicir esto? pois que todos debemos reflexionar en frio, meditar, e valorar os resultados dos recursos que empregamos para levar as cousas adiante.
Unha vez analizadas as conclusións deberemos actuar en consecuencia.

XV CONCENTRACIÓN DE EMBARCACIONS TRADICIONAIS DE POIO

Vimos de formalizar a inscrición de varias embarcacións vinculadas á Asociación de Amigos da Dorna Meca, para tomar parte un ano máis no encontro de Combarro. De xeito que esta fin de semana deixaranse ver as fasquías e os falares mecos nas augas da Ría de Pontevedra.

XIV Regata dos Faros

2010-07-12T14:23:00.003Z

Xa o temos casi todo listo, vémonos o sábado.
Ao remate da regata saliremos navegando para participar na Varada de Santo Tomé que organizan os nosos amigos do Club Mariño Salnés, que nos acollerán con sardiñas, pan e viño.

Xente traballando

2010-05-31T17:26:00.003Z

O sábado, a pesar de amanecer un dia bastante roñento, que nos cortou o rollo coa choiva en un par de ocasións pudemos aproveitar a mañan para porlle man á Meca.

Rascouse o casco por forae douselle unha primera man de lixa, por dentro deixámola en casco e pasámoslle a aspiradora. repuxemos a cadena do timón e colocámoslle uns zincs no quillote, aproveitamos para mercar o material necesario para a posta a punto e para organizar o material que tiñamos no astillero.

O traballo restante farano os Manolos (Rei e Triñanes) durante a semana, xunto cos voluntarios que teñan as tardes libres e se acheguen.

Aos que acudístedes moitas gracias:

Manolo, Eduardo e Miguel; Quin e Dani; Fabián e Pepe, Toli, Aguiño, Santos, Lino, Marcos, Gerardo, Rafilla, Javi... creo que están todos. Durante a semana seguiran dándolle os Manolos (Triñanes, Rey e Aguiño) e algún que outro voluntario que se preste.

Dehoxe en 8 días estará lista para navegar.

A noticia en Faro de Vigo

Arranxar a Meca o sábado 29 de maio

2010-05-27T20:29:00.003Z

Este sábado 29 de maio empezamos os traballos na Meca, imos a arranxala: rascar pintura e patente e poñela ben bonita.

Toda a axuda será benvida, polo que quedamos Astillero dos Garrido ás 10.30 da mañan con roupa de faena.

Agradeceríamosvos que todos os que poidades vos acheguedes a botar unha man, sexa media hora ou o que sexa, xa que cantos mais seamos antes acabaremos, A Meca é cousa de todos e tamén vos lembramos que está ahí para navegar a disposición dos socios.

Celebrada a primeira Asamblea do ano

2010-05-09T13:31:00.003Z

Foto: Todogrove.com

Case 30 socios tomamos parte da Asamblea Xeral Oridinaria, celebrada este sábado no Pavillón de Deportes Náuticos, e na que tratamos temas tan relevantes como a situación d'A Meca, que se reparará esta semana, e onde detallamos os contidos das actividades para este ano.
Faremos unha convocatoria para rascar e pintar A Meca, vía movil e internet.

A noticia en Todogrove.com
na Voz de Galicia

Enmenda á «Ley General de Navegación Marítima»

2010-02-03T14:57:00.002Z

Solicitamosvos a vosa participàción individual na campaña para que se acepte unha enmenda na futura «Ley General de Navegación Marítima» que recoñeza ás embarcacións tradicionais e históricas.

Pronto se vai reunir a Comisión de Justicia do Congreso dos Deputados para tratar este tema e cantos máis apoios se teñan máis posibilidades haberá de que se acepte.
Neste momento son moitos os colectivos e institucións de toda España que enviaron o seu apoio, pero ainda precisamos máis apoios individuais.
Se cres que a enmenda é necesaria escribe a enmiendalgnm@gmail.com co seguinte texto:

Por el presente documento, (NOME APELIDOS E NUMERO DE DNI) manifiesta su pleno apoyo a la enmienda al Proyecto de Ley General de Navegación Marítima que contempla la introducción de una disposición adicional titulada «Protección del Patrimonio marítimo flotante. Estatuto jurídico de las embarcaciones históricas y tradicionales». Con ello se pretende que dichas embarcaciones se rijan por una legislación específica que garantice su protección y su uso, y contribuir a la protección de nuestro patrimonio marítimo flotante, en línea con otros países de nuestro entorno.

LUGAR DE RESIDENCIA E DATA.

Non se responderá aos correos nin se gardarán datos despois da presentación da enmenda.

Anímate a participar, enviando un simple correo electrónico poderemos conseguir esta consideración para as embarcacións tradicionais

O racú inverna en Moreiras

2009-11-16T18:30:00.005Z

Fotografías: Todogrove.com

O pasado sábado tivemos a Asamblea Xeral, pero antes quixemos aproveitar a tarde e a vontade de un bo número de socios para facer o traslado do RAKÚ ata Punta Moreiras.
O viaxe por carretera xuntou a unha cantidade ben xeitosa de voluntarios, que o colleron no varadoiro de Peralto para achegalo ata o CIPES. Unha vez alí cambiouse para un carriño de varada máis pequeno e foi levado ata o lugar onde pasará este inverno.
A arquitectura do CIPES non nos permitiu empiar o palo e izarlle a vela... que lle imos facer.
Mentras estea en seco instalarémoslle un motor e remataremos de acondicionalo.

Nesta asamblea reunímonos preto de 30 socios, e algúnhas caras novas que se incorporan á asociación con ganas de navegar e participar, dámoslles a benvida e agardamos que así sexa en canto o tempo no-lo permita.

Asamblea Xeral

2009-10-26T19:00:00.000Z

Queda convocada a

ASEMBLEA XERAL ORDINARIA
Lugar: Centro de Interpretación da Salga e a Pesca. Punta Moreiras. O Grove
Día: sábado 14 de novembro de 2009 Hora: 19:00 h.

Orde do día

1. Lectura e aprobación da acta anterior, se procede
2. Dación de contas
3. Memoria de actividades 2009
4. Cambios nas regatas
5. Saídas abertas
6. Varios:
Rogos e preguntas

Regata do Marisco 2009 Frustrada

2009-10-03T18:27:00.003Z

Foi unha pena, pero finalmente non puidemos rematar a Regata do Marisco deste ano, saímos ao mar un total de 34 dornas (12 delas eramos do Grove) e máis A Meca, e despois de moito esperar polo vento, este non deu chegado.

A nosa idea era darlle a volta á Illa da Toxa, o que podería ser unha regata ben bonita, pero quedámonos pouco máis adiante da Cabreira.

Agradecémoslles a participación a todos os dorneiros que se achegaron ao grove neste día e despedimos as regatas ata o ano que ven.

Vamos, que nos vamos!!

2009-09-29T22:55:00.003Z

Este sábado 3 de outubro teremos a Regata do Marisco 2009, organizada pola Asociación de Amigos da Dorna Meca co patrocinio do Concello do Grove, e que está incluída no programa da Festa do Marisco deste ano.

Para esta ocasión temos preparada unha pequena sorpresa para a regata.

Animamos e convidamos a participar nesta última regata da temporada, que será a última das 4 regatas celebradas no Grove este anos, no que desde a asociación comezamos con iniciativas de fomento e participación social das embarcacións tradicionais, na medida do posible.

Navegamos na Festa da Vela

2009-09-27T18:34:00.021Z

Velas de todo tipo no Grove

Onte sábado saimos a navegar e disfrutar da fantástica tarde de setembro, con unha brisiña do noroeste. A saída consistiu na Festa da Vela, organizada polos compañeiros da Escola de Vela O Grove, que a veñen celebrando desde hai catro anos, e á que nos convidaron.

O pequeno Rakú tamén se apuntou. Foto: Dani Otero

Pois resulta que pouco antes das 5 da tarde saímos todos a velear: A Meca, o Rakú, a Lamaschica e a Nocra. Pero eso non foi o único, a maior parte das embarcacións de vela lixeira da escola tamén sairon, acompañados polo Raquel C e algún que outro cruceiro que se animou a participar.

O Raquel C ofrece unha preciosa estampa

Ao remate cando estabamos todos en terra reunímonos nas dependencias da escola, no Pavillón de Deportes Naúticos, para tomar un pincho e unha fresca.

Carmen, a pequena de Cores, no seu optimist seguida de cerca pola Meca

O sábado que ven despediremos a temporada de regatas de dornas no porto do Grove.

A nova en:

Todogrove.com

Faro de Vigo

A Regata de Porto Meloxo sigue a medrar

2009-09-21T23:52:00.004Z

Este sábado tivemos o II Premio Regata de Dornas a Vela de Porto Meloxo, organizada polos amigos do Bar Meloxeira, (algúns deles son os que nos axudan coas lanchas nas regatas) e cos que colaboramos moi a gusto.

Salimos coas dornas varadas na praia, co palo arriba e a vela armada, despois de dar a saida empuxámolas e armamos o timón para disfrutar da tarde navegando.

Nesta ocasión contamos con 30 dornas nesta xornada coa que pretendemos espallar o mundo da navegación tradicional alí onde se nos requira, e sobre todo, onde mostren o seu interes por apoiar todo este movemento, como é neste caso.

Ganou a Fuxe, con Manolo Parada á caña, seguida pola Cariñosa, do Checo, e de terceira rematou a Cariñosa de Santi Mougán. Tamén houbo un pequeno trofeo para os que pechaban a lista, por aquelo de non desanimarse.

Ao remate sardiñas, xurelos e outros "benmesabes" e o convite aberto a voltar a Porto Meloxo a próxima tempada.

Todogrove.com, Faro de Vigo, Culturamaritima.org e o Blog da ACD Dorna fixéronse eco da regata con crónicas e fotografías.

Vémonos o día 3 na Regata do Marisco, onde nos depediremos da competición oficial.

Regata en Porto Meloxo

2009-09-08T16:36:00.003Z

Este ano volveremos a facer unha regata en Porto Meloxa, colaboraremos cos amigos deste barrio que se movilizaron para facer posible o II Premio Regata de Dornas a Vela de Porto Meloxo, a cita é o sábado 19 de setembro ás 4 e media da tarde.

Alí nos veremos.

Saídas abertas

2009-08-29T16:26:00.002Z

Como quedou dito no anterior post, continúa a campaña de saídas abertas de navegación tradicional que estamos a levar a cabo a bordo da'A Meca.
Na do pasado mércores embarcou Olalla Sánchez, unha xornalista de La Voz de Galicia, que elaborou esta reportaxe audiovisual sobre a travesía.

Fotografía tomada da web de La Voz de Galicia

Neste caso o viaxe foi desde San vicente ao porto do Grove, con ventiño do sur, e nel paticiparon tamén María, do Grove, Patricia, coruñesa aínda que grovense por motivos laborais, e Jesús, de Mosteiro.

Amigos da Dorna Meca non pecha en agosto

2009-08-27T12:49:00.004Z

A Meca coa Illa de Tambo pola proa

A pasada fin de semana rexistramos unha intensa actividade no movemento das nosas embarcacións. O venres as 3 da tarde saía para Combarro A Meca, a fin de participar na XIV Concentración de Embarcacións Tradicionais de Combarro. O sabado navegou pola mañán e durante toda a tarde anduvo tamén pola ría, en compañía da Semparada.

O sábado tamén saiu do porto do Grove o Rakú, que o domingo participuo na II Regata de Clásicos Emprosal, na que houbo bastante vento e algo de ola, o que non lle impediu aos tripulantes pasar unha espléndida tarde de navegación (da xenio velo). Tamén participou A Meca, xa de volta de Combarro.

O Rakú coa Barrosa de fondo

A Meca pola Lanzada

A todo esto, continúan as saídas abertas de navegación que estamos a levar a cabo este verán.

A Cariñosa gaña a II Regata de San Vicente

2009-08-16T18:27:00.004Z

Finalmente o vento dounos unha tregua e puidemos disputar a II edición da Regata de San Vicente. Participaron un total de 16 dornas que completaron un percorrido aberto e no que se fixemos ver desde as praias ateigadas de xente. Vento moderado e moito sol nunha tarde máis de regatas.

Foto tomada de: Todogrove.com

Clasificación da II Regata de San Vicente de Dornas a Vela

1ª Cariñosa ACD Dorna

2ª Xarandeira AC Fasquía

3ª Fuxe Dorna Meca

4ª Forza R ACD Dorna

5ª Zenaida ACD Dorna

6ª A Rona Dorna Meca

7ª Tiñana Dorna Meca

8ª Nerea Rabandeira

9ª Maristela Rabandeira

10ª Semparada Dorna Meca

11ª Freixana CM Salnés

12ª Siña María (Negra) Dorna Meca

13ª Maria Victoria Dorna Meca

14ª Siña Pepa Dorna Meca

15ª Nocra Dorna Meca

16ª Bicoca Portonovo

A noticia en Todogrove.com

II Regata de Dornas de San Vicente

2009-08-08T19:14:00.002Z

Un ano máis, temos a satisfación de convidarvos á II Regata de Dornas de San Vicente.

O próximo sábado 15 de agosto, ás 4 da tarde, agardamos vervos alí.

Saídas abertas

2009-07-29T20:05:00.004Z

Por fin saímos! Hoxe mércores realizamos a primeira saída divulgativa na Dorna Meca. Nesta primeira ocasión navegaron n’A Meca catro rapazas, que pasaron unha tarde de navegación na que a choiva non nos respetou.

Con todo as nosas primeiras convidadas quedaron satisfeitas coa experiencia e esperamos que volvan e decidan incorporarse ao mundo das embarcacións tradicionais.

Na Voz fixeron unha reportaxe, publicada hoxe 4 de agosto

O Grove no programa Salitre

2009-07-19T13:46:00.003Z

Mañá luns, na TVG, a partir das 21.30 horas, emítese o programa Salitre, que tratará sobreo porto do Grove. O equipo do programa saiu a navegar cos Amigos da Dorna Meca a bordo da Meca, onde entrevistaron ao presidente: Lino Prieto.
Lembrade: este luns ás 21.30 horas.

Vinteunha dornas na XIII Regata dos Faros

2009-07-18T21:45:00.010Z

Marabillosa tarde de navegación a que tivemos na XIII Regata dos Faros, xuntámonos 21 embarcacións para disfrutar de unha tarde para as dornas. Os compañeiros e amigos da ACD Dorna, da Illa de Arousa estaban hoxe de festa grande polo Carme, e disculparon a súa ausencia, ainda que si que asistiu unha pequena delegación dos seus afectivos. Tamén faltou algunha das nosas dornas...
O ambiente foi excelente e a regata siui moi ben, gracias ao traballo de organización que desempeñou o equipo que se encargou de preparar o evento.Gracias a todos eles e gracias tamén aos que asistiron á regata.

Clasificación

1ª Bazarra ACD Dorna Illa de Arousa
2ª Fuxe Dorna Meca O Grove
3ª Jalerna ACD Dorna Illa de Arousa
4ª Fanequeira Dorna Meca O Grove
5ª Maristela Rabandeira Vilanova de Arousa
6ª Triñana Dorna Meca O Grove
7ª A Rona Dorna Meca O Grove
8ª Zenaida ACD Dorna Illa de Arousa
9ª Coninha AD Portonovo Portonovo
10ª Marijuana Dorna Meca O Grove
11ª Bandalla ACD Dorna Illa de Arousa
12ª Siña Maria (Blue) Dorna Meca O Grove
13ª Semparada Dorna Meca O Grove
14ª Montañesa ACD Dorna Illa de Arousa
15ª Bicoca AD Portonovo Portonovo
16ª Siña María (Black) Dorna Meca O Grove
17ª Siña Pepa Dorna Meca O Grove
18ª Nerea Rabandeira Vilanova de Arousa
19ª Nocra Dorna Meca O Grove
--- Salitrosa Dorna Meca O Grove
--- A Meca Dorna Meca O Grove

A noticia e máis fotografías en
Todogrove.com

XIII Regata dos Faros

2009-07-15T18:51:00.002Z

Este sábado temos a XIII Regata dos Faros, apenas nos repuxemos de Muros, pero seguimos adiante. A partir das 16.00 horas no Porto do Grove.

... e o racú a hinchar

2009-07-07T12:43:00.003Z

Despois do intenso traballo levado a cabo nos ultimos días, practicamente a contrareloxo, para rematar de aparellar o racú hoxe botámolo ao mar para que hinche e se impregne de salitre. Xa conta con timón novo, ferraxes, panas e cuarteles.

En Muros, se todo vai ben, poderemos ver navegar a vela ao pequeno RAKÚ.

A Meca en Muros

2009-07-06T12:09:00.003Z

A dorna Meca chagou este sábado a Muros, desde agora atópase no pantalán esperando o incio do IX Encontro de Embarcacións Tradicionais de Galicia.

Gústanche as dornas?

2009-07-01T23:28:00.007Z

Comezamos hoxe unha nova liña de traballo en favor do fomento da navegación tradicional, a cultura e o patrimonio marítmo do Grove.

Trátase de realizar saídas abertas de navegación na Dorna Meca, todas aquelas persoas que sintan interese ou curiosidade polo mundo das dornas e a navegación a vela tradicional poderán achegarse e navegar con nos.

Para participar nestas saídas é preciso chamar con antelación ao teléfono da Asociación (670 84 64 03), posuir o seguro de navegante da FGCMF (ou algun outro seguro persoal de accidentes), traer roupa de abrigo e gañas de aprender e disfrutar de unha tarde a bordo da Meca. En principio sairemos os mércores, con posibilidade de aumentar o número de días se a iniciativa ten aceptación.

A noticia nos medios

Suspendida a XXV Volta á Arousa

2009-07-01T22:59:00.006Z

Fotografía cedida por http://fungona.blogspot.com

A pasada fin de semana saiu da Praia do Bao a XXV edición da Volta á Arousa. Tomaron parte da proba un total de 62 embarcacións, entre elas 10 dornas do Grove: A Rona, Bichasa, Chunga, Fanequeira, Fuxe, Marijuana, Semparada, Siña María, Pendona e Triñana.

O forte vento sur reinante levou aos responsables da seguridade da regata a tomar a decisión de suspendela.

O pequeno RAKÚ na prensa

2009-07-01T22:47:00.004Z

A volta a casa do noso racú mereceu a atención da prensa escrita, neste caso o Faro de Vigo interesouse por este barco e pola actividade da asociación.

Podedes ver a nova pinchando aquí.

Mentras tanto contiuaremos a traballar para intentar que o racú chegue ao Encontro de Muros no mellor estado posible.

O RAKÚ volveu a casa

2009-06-17T17:30:00.006Z

Como dixo o poeta: "Volven os barcos..." e agora era o turno do noso racú. Despois de unha longa tempada de retiro, restauración e coidados a cargo dos profesionais e alumnos do Centro de Formación A Aixola (Marín), un centro dependente da Consellería do Mar e o CETMAR, onte 16 de xuño procedemos á súa recollida de mans dos responsables do centro.
O traslado ao Grove foi posible gracias á colaboración da Concellería de Vías e Obras do Concello do Grove, que nos facilitou o camión para o seu transporte.

Agora a embarcación atópase na explanada do Asteleiro Garrido para proceder ao seu coidado, e tamén a confeción de un timón e as panas necesarias para o seu uso. Logo procederase a botalo a hinchar no mar, lembramos que o racú dispon do aparellamento preciso para navegar. Procuraremos que o RAKÚ asista ao Encontro de Muros, polo que se aceptan voluntarios para todos estes traballos.

Catro dornas do Grove na Fasquía

2009-06-07T10:17:00.004Z

A persar do desapacible deste sábado, foron 4 dornas dos Amigos da Dorna Meca as que se desprazaron ata a Illa de Arousa para participar na V Regata Fasquía. A primeira competición da temporada.
A Fuxe chegou sexta á meta.

A nova nos medios:

La Voz de Galicia
Diario de Arousa
Faro de Vigo

Rumbo a Muros

2009-05-31T14:27:00.003Z

Os IX Encontros de Embarcacións Tradicionais de Galicia, que terán lugar en Muros, entre o 9 e o 12 de xullo xa están en marcha. Lembrámos que a data tope para inscribir as embarcacións participantes é o 15 de xuño.

Na páxina oficial do Encontros tedes máis información, e aquí a invitación oficial.

E agora a traballar

2009-05-17T20:12:00.007Z

O sábado celebramos as Asambleas, tal e como estaba previsto. A nova Xunta Directiva foi aprobada pola totalidade dos asistentes, e queda configurada como segue:
Lino Prieto, presidente
Manolo Triñanes, vicepresidente
Daniel Otero, secretario
Manolo Rey, tesoureiro
Silvia Marcos, vocal
Jose Manuel Triñanes, vocal
Javier Rey, vocal
Javier Fontán, vocal
Seguirán facéndose as xuntanzas dos mércores, nas que participan e poden participar todos aqueles que desexen aportar a súa axuda, para levar adiante as regatas propostas e organizar xa as saídas abertas na Meca, para fomentar a navegación entre a poboación do Grove.

A noticia nos medios de comunicación:
Faro de Vigo
Todogrove.com

Asambleas

2009-05-11T23:08:00.003Z

ASEMBLEA XERAL EXTRAORDINARIA
Lugar: Centro de Interpretación da Salga e a Pesca. Punta Moreiras. Ogrobe
Día: sábado 16 de maio Hora: 1ª conv. 19:00 h, 2ª conv. 19.30 h

Orde do día

1. Aprobación, se procede, da nova Xunta Directiva

ASEMBLEA XERAL ORDINARIA
Lugar: Centro de Interpretación da Salga e a Pesca. Punta Moreiras. Ogrobe
Día: sábado 16 de maio Hora: 19:45 h.

Orde do día

2. Lectura e aprobación da acta anterior, se procede
3. Dación de contas
4. Actividades 2009
5. Seguros de Navegante
6. Varios
Rogos e preguntas

Debida a importancia dos temas a tratar na Orde do día desde a Xunta Directiva agradeceríamos a máxima asistencia posible.

Gravamos para a TVG

2009-05-07T21:25:00.004Z

Estes días estiveron polo Grove os integrantes do esquipo do programa Salitre, da TVG, conversaron con xentes do mar do Grove, mariñeiros, peixeiras, collareiras, taberneiros... e tamén quixeron coñecer de primeira man a nosa asociación.

É por isto que nos pediron que os leváramos a navegar na Meca mentras Rivadulla Corcón, director e presentador deste programa, que se emite na noite do luns da Televisión de Galicia, entrevistaba ao presidente, Lino Prieto. Quedamoslles agradecidos por ternos tomado en conta para os contidos do seu espazo, e aproveitamos para saudalos.

Daremos debida conta da data de emisión do programa en canto sexa comunicada.

Xa estamos nela...

2009-05-06T22:07:00.005Z

Pasou o inverno e unha chea de semanas. logo dunha merecida posta a punto A Meca volveu á actividade social, a súa primeira viaxe nesta temporada foi a Vigo para participar no Tall Ship Atlantic Challenge. Aqui a podedes ver lucindo fasquía no peirao da Laxe, xunto con outras embarcacións tradicionais dos nosos compañeiros e outros barcos grandes con un mundo de velas.

A Chunga en Fitur

2009-01-30T14:36:00.006Z

Foi hai algúns meses cando unha axencia de publicidade contactou coa nosa asociación para facer unha fotografía. Para esto querían unha dorna a vela na praia de Area Grande entre as 2 e as 4 da tarde. Así foi, a dorna estivo alí e os profesionais fixeron o seu traballo.

O resultado? aquí o tedes, unha imaxe xigantesca no stand de Galicia na Feira Internacional de Turismo FITUR 09.

Desde O Grove, desde Amigos da Dorna Meca para o mundo!!

A Asamblea aposta pola continuidade da Directiva

2009-01-26T17:41:00.004Z

A asemblea da Asociación de Amigos da Dorna Meca manifestou o seu desexo unánime de que a actual Xunta Directiva continue ao fronte da entidade, pero cunha maior participación da masa social, a cal comezará por elaborar de inmediato un plan de traballo para esta temporada.

Preto de trinta socios participaron na Asemblea Xeral Extraordinaria da asociación da que debería saír unha nova Xunta Directiva. Finalmente e tras un extenso debate decidiuse dar continuidade á Directiva actual, pero replanteando o seu funcionamento co aumento da participación dos socios dun xeito máis activo, redistribuíndo as tarefas. A partir deste punto o actual presidente en funcións, Lino Prieto, coordinará a un grupo de 15 membros da entidade a fin de elaborar un equipo que leve a cabo un plan de traballo co que afrontar a temporada.

ESTE GRUPO ESTÁ ABERTO Á PARTICIPACIÓN DE TODOS AQUELES QUE DESEXEN SUMARSE, a cita é na Casa da Cultura Manuel Lueiro Rey, o mércores ás 20.30 horas.

A noticia na prensa:
Todogrove.com

Faro de Vigo

Diario de Arousa

La Voz de Galicia

Asamblea Xeral EXTRAORDINARIA

2009-01-09T11:04:00.001Z

Convócase a
ASEMBLEA XERAL EXTRAORDINARIA
Lugar: Centro de Interpretación da Salga e a Pesca. Punta Moreiras. Ogrobe
Día: sábado 24 de xaneiro Hora: 19:00 h.

Orde do día

1. Presentación de candidaturas para a Elección de Xunta Directiva
2. Eleccións á Xunta Directiva da Asociación

Na data na que se fai o envío desta convocatoria non se presentou ningunha candidatura, en todo caso a Xunta Directiva en funcións non ten coñecemento, polo que desde aquí vos animamos a presentar as vosas propostas para asumir a dirección desta entidade. Como xa se anunciou no seu momento a Xunta Directiva actual non se presentará á reeleción

Búscase nova Xunta Directiva

2008-11-23T14:08:00.004Z

Ás asembleas, convocadas para ás 20.00 horas a ordinaria, e para o remate desta a extraordinaria acudiron uns trinta socios dos noventa cos que contamos na entidade.

Orde do Día

O primeiro punto da Orde do Día, Acta anterior, foi aprobado. O segundo foi a Dación de Contas, que reflexa un saldo acumulado a favor de 5.235 euros. O terceiro a Memoria de Actividades 2008, na que destaca a organización de tres regatas; participación en outras cinco: o desprazamento da Meca a Brest (Francia) con seis tripulantes; colaboración con outras entidades coma a Asociación de Veciños as Besadas na cabalgata de Reis, co Club Náutico San Vicente do Mar na organización dunha regata de clásicos e outra de dornas, e mesmo coa FGCMF. O quinto punto foi o informe de xestións realizadas pola Xunta Directiva: como a renovación da Asociación no REDIM, convenio co Concello para utilización do CIPES, ou, entre outros, a xuntanza mantida polo presidente da entidade, Lino Prieto, co Presidente de Portos de Galicia, ao que lle entregou unha memoria xustificativa para ter en conta ás embarcacións tradicionais na elaboración do Plan Director do futuro porto deportivo do Grove, proxecto respaldado pola Corporación municipal.

Eleccións
A continuación realizouse a asemblea extraordinaria, na que se convocaron eleccións á Xunta Directiva, a data da próxima asemblea quedou fixada para o 24 de xaneiro de 2009, na que se deberan presentar candidaturas ou candidato a presidente que forme despois o seu equipo. O actual presidente, Lino Prieto, declarou a súa intención de non presentarse á reelección, ao tempo que agradeceu o apoio de todos os socios e membros da Directiva que estiveron ao seu carón durante a súa presidencia iniciada en 2003.
Xa pola noite celebramos unha cea de confraternidade no restaurante Ruamar.

Mais fotografías en Todogrove.com

Doble Asamblea e Cena de Fin de Temporada

2008-11-14T19:32:00.004Z

ASEMBLEA XERAL ORDINARIA
Lugar: Centro de Interpretación da Salga e a Pesca. Punta Moreiras. Ogrobe
Día: sábado 22 de novembro 2008 Hora: 20.00 h.

Orde do día

1. Aprobación da acta anterior, se procede
2. Dación de contas
3. Memoria de actividades 2008
4. Calendario de actividades
5. Informe de xestións
6. Varios:
Rogos e preguntas

ASEMBLEA XERAL EXTRAORDINARIA
1. Convocatoria de Eleccións á Xunta Directiva.

Para ese mesmo día, ás 22.00 horas estamos a organizar a Cena de Fin de Temporada, con un menú de 25 euros o plato, os que queirades participar debedes comunicalo ao movil 636748698 (a partir das 6 da tarde), antes do día 20.

Regata do Marisco 08

2008-10-04T23:49:00.001Z

A Jalerna, suma e sigue, gaña tamén a Regata do Marisco 2008, e xa van tres regatas seguidas no primeiro posto.

Participaron 24 dornas, un moi bo número, xa que entendemos que é unha data algo tardía, ao ser a última cita do ano. Dornas do Grove, Portonovo, Cambados, Vilanova de Arousa, Illa de Arousa e Ribeira. Agradecemos tamén a colaboración do Concello do Grove, que fixo posible que todo saira ben.

Gracias a todos por vir, e ata a temporada que ven!!!

Fotos da regata pinchando aquí

Regata do Marisco

2008-09-29T17:10:00.006Z

Un ano máis pechamos as actividades no mar coa Regata do Marisco, pechando ademáis o calendario de actividades da FGCMF.

Esta nova cita está enmarcada na celebración da Festa do Marisco e conta co patrocinio do Concello do Grove.
O previsto é saír ás 4 da tarde e, se a marea o permite, facer un triangulo entre a Illa da Toxa e o Paseo de Confín como en anos anteriores.
Pola noite, na carpa principal do recinto da Festa actuará Leilía ás 22.00 horas, para quen queira seguir a festa...

Vémonos este sábado día 4.

As fotos da regata de Porto Meloxo aquí

Regata en Meloxo

2008-09-26T02:32:00.002Z

Este sábado hai regata de dornas a vela en Porto Meloxo, preténdese que sexa unha festa para todos, participantes e visitantes. Farase un percorrido entre o Porto de Meloxo e o Carreiro e logo en terra unhas cañas e lume na parrilla!!!

Quedades convidados...

A Meca impresionou na Regata de Clásicos Emprosal

2008-09-01T12:34:00.005Z

A Meca participou esta fin de semana na I Regata de Clásicos Emprosal, celebrada en augas da Lanzada e Ons. A regata estivo organizada polo Club Náutico San Vicente do Mar, coa colaboración da nosa asociación.

A Meca ofrceu todo un recital de navegación con unha bolina impresionante con vento SW estable, desde Pedras Negras ata o Faro de Camouco, onde foi tomada esta fotografía.

GALERÍA DE IMAXES
Tedes máis fotos e a clasificación en todogrove.com
Tamén saiu a noticia na Voz de Galicia

Barcos clásicos en San Vicente

2008-08-27T05:52:00.004Z

Esta fin de semana volveremos a San Vicente, xa que A Meca participará na I Regata de Clásicos organizada polo Club Náutico San Vicente, na clase de Espíritu de Tradición. A Asociación de Amigos da Dorna Meca colabora na organización da mesma.

Nesta proba a celebrar o sábado día 30, haberá tres categorías

Barcos de Época: Barcos de madeira ou aceiro botados ata o 31 de dicembro de 1949.

Clásicos: Barcos de madeira ou aceiro botados entre o 1 de xaneiro do 1950 e o 31 de decembro do ano 1974
Espíritu de Tradición: Barcos construidos con técnicas e materiais actuais pero que, na súa apariencia externa, gardan certa similitude cos barcos de épocas pretéritas.

Esperemos que sexa unha xornada bonita e divertida.

Unha ducia de dornas do Grove na I Regata de San Vicente

2008-08-16T17:42:00.005Z

Foron 20 as dornas que participaron na primeira edición da Regata de San Vicente, entre elas a "A Meca", que nas últimas semanas conta con gran actividade saíndo moitos dos días da semana.

Esta regata estivo patrocinada por Cabreiroá e organizada polo Club Náutico San Vicente, co cal colaboramos en todo o que foi necesario, e aproveitamos esta ocasión para agradecerlle o seu interese.
Tamén agradecemos a asistencia e participación de todos os que vos achegástedes ao porto de Pedras Negras, foi unha auténtica mágoa que non tiveramos máis vento.

No aspecto da competición o podio quedou como sigue:
1. Xarandeira. Asoc. Fasquía (Santi/Fernando)
2. Barzarra. A.C. Dorna (Pardavila/Luís)
3. Fuxe. Dorna Meca (Manolo/Brais)
Ademáis hoube máis premios, todos eles e máis fotografías pinchando aquí.

I Regata de San Vicente, todo a punto

2008-08-12T23:02:00.004Z

Este venres día 15 de agosto, ás 12.00 horas, celebrarase no Porto de Pedras Negras a I Regata de San Vicente de Dornas a Vela, en colaboración co Club Náutico San Vicente do Mar, que opera neste porto. Haberá premios en diversas categorías ademais dos tres primeiros clasificados, como o tripulante máis moz@, o máis veteran@, a muller mellor clasificada, a asociación da que participen máis dornas ou o "premio á dorna máis fermosa", que será elixida entre todos os tripulantes. pola noite como remate da xornada festiva actuará o grupo Os Hackleberries no mesmo porto.Tódolos interesados en participaren terán que comunicar os seguintes datos, (por cuestións de organización e servicio de restaurante) antes do xoves 14 ás 20 horas ou ben á Asociación de Amigos da Dorna Meca, ou ben ó Club Náutico San Vicente (administración@cnsvicente.org ou 986738325)

Terán que sinalar os seguintes datos:
a. Nome, apelidos e teléfono do patrón
b. Nome e apelidos do/s tripulantes

c. Club ó que pertenecen

Invitamosvos a todos a participar, e a ser un pouco "formais" no tema das inscricións e horarios.
É importante ler as normas da regata para maior información

As dornas do Grove protagonistas en Cambados

2008-08-10T21:39:00.008Z

A pesar de rexistrar pouca participación meca na Regata do Albariño, dúas das 4 dornas desprazadar a Cambados, tanto a Fuxe como A Rona, realizaron unha gran navegación nunha tarde de vento. Os cinco primeiros:

1. Cariñosa (A.C. Dorna)

2. Nécora (A.C. Dorna)

3. Fuxe (Amigos da Dorna Meca)

4. A Rona (Amigos da Dorna Meca)

5. Xarandeira (A.C. Fasquía)

A Fuxe cuarta na XX Regata do Bao

2008-08-07T23:41:00.006Z

Desplazamos 7 dornas ata a Illa de Arousa para tomar a saida desta XX Volta á Illa de Arousa, un día moi bo para navegar con bolinas interesantísimas, destacar o papel da Fuxe que loitou en cabeza despois de unha moi boa saída. Estivemos un total de 42 dornas.

Fotos da regats no Blog da Cultural Dorna

Os da "Nécora" levan para a Illa a Regata dos Faros

2008-07-27T19:45:00.004Z

Braulio e Harry foron os primeiros en completar o circuito da Regata dos Faros 2008. Todo saíu ben en canto a organización, aínda que contabamos con ter maior participación. Houbo 23 dornas en total, 9 delas dos socios de Amigos da Dorna Meca. A uns e outros moitas gracias por vir.

Agradecer tamén a colaboración da Copistería Técnica Copyman e da Confraría de Pescadores de San Martiño do Grove.
A seguinte cita por estes lares será o 15 de Agosto en Pedras Negras, Seguiremos informando.
Tedes a clasificación e todas as fotografías en www.todogrove.com

XII Regata dos Faros

2008-07-22T00:28:00.005Z

O próximo sábado 26 de xuño imos celebrar a XII Regata dos Faros no Porto do Grove, estades todos convidados. Agradecemos a colaboración da Confraría de Pescadores que nos cede a Lonxa para a entrega de premios e tamén a colaboración da Copistería Técnica Copyman.

Noura orde de cousas este luns chegou A Meca da súa viaxe a Brest, chegou sana e salva e desde esta tarde está fondeada no Peirao de Peralto. Esperamos que siga como antes de marchar a Francia, saíndo a navegar practicamente todas as tardes.
NOTA: Se algunha persoa está interesada en probar a navegación tradicional cos Amigos da Dorna Meca, só ten que poñerse en contacto.

Somos unha máis!!

2008-07-20T12:19:00.004Z

Onte sábado botouse ao mar "A Rona" a nova dorna coa que o noso secretario Dani Otero continuará participando en regatas e encontros. Despois de un moi meritorio traballo "A Rona" xa navega. Os armadores agradecenlle a axuda ao patrocinio da empresa Arcafal, que temén estiveron presentes e agasallaron a todos con unhas camisolas.
Tamén gracias a Juan Antonio e o seu fillo, da Asociación Cantodorxo, que amenizaron a botadura cunhas pezas a base de gaita e tambor
Botámola no varadoiro de Moreiras, ao lado do CIPES, e logo fumos de travesía ata o Faro das Pedras, para recalar no Makoki, na praia do Carreiro.
A Rona, benvida á familia!!

A noticia e máis fotos en todogrove.com

En Brest

2008-07-10T23:07:00.004Z

No intre que escribimos estas liñas A Meca xa está amarrada no sexto porto máis importante de Europa: BREST.

Moitos meses de traballo e xestión precederon ao destino final. Amigos da Dorna Meca aporta unha embarcación e 6 tripulantes á expedición oficial que participará na Festa Marítima Internacional Brest 2008, ademais moitos socios e achegados viaxan tamén ata a cidade bretoa por terra e por mar.

A todos eles o noso máis sincero desexo de que disfruten desta semana chea de barcos, navegacións, tripulantes, concertos, xornadas, visitas… Aquí estaremos agardando o seu retorno.

Na TVG, o pasado domingo 6/07/2008, emitiuse un De Proa a Popa especial sobre a festa de Brest, aquí tedes o enlace por se non tivestes oportunidade de ver a súa emisión

E completamos a XXIV Volta á Illa de Arousa

2008-07-06T13:49:00.001Z

Ás 11 da mañan quedamos no varadoiro de Peralto, logo de desaiunar botamos os barcos pola rampa abaixo e comezamos o día da XXIV Volta a Arousa, as condicións do tempo prometían, víase que iamos ter un bo día para navegar, e así foi, incluso na cara noroeste da Illa non estaría mal algo máis de ventiño.

Con todo, o día foi espléndido, moi bo ambiente e unha regata bonita con 49 dornas, das de lebrar, con unha interesante bolina final. Voltamos a costumbre de entrar todos os do Grove xuntos, aquí tedes a clasificación completa.

Comezaron as regatas

2008-07-06T13:32:00.002Z

A primeira cita da competición foi na Regata Fasquía celebrada o 7 de xuño, debido ao forte vento reinante na xornada que poñía en perigo o desprazamento por mar, estando a piques de suspender a proba os mesmos organizadores, na regata só participou a Fuxe que acadou un moi interesante sexta plaza na clasificación.
O día 21 de xuño tivo lugar a estrea dos Amigos da Dorna de Portonovo na organización de regatas, coa I Regata do Sepelo, nesta ocasión o vento foise quedando en nada na segunda volta da regata. Participaron 7 dornas do Grove nesta proba, para o ano voltaremos.

Suspendida a Area Seba

2008-06-08T11:23:00.003Z

Comunicamos a todos os socios e participantes que este ano non se vai celebrar a IV Regata Area Seba de Dornas a Vela. Por asuntos alleos á nosa vontade non imos celebrar esta cita.
Estamos xa a traballar na organización da Regata dos Faros, polo que tamén convidamos a todos aqueles que se ofreceran como voluntarios para colaborar na organización que se poñan en contacto coa directiva.

Regata de dornas en San Vicente

2008-05-06T20:41:00.003Z

Este ano imos a levar a cabo a I Regata de San Vicente, en colaboración co Club Náutico San Vicente, a cal terá saída e chegada no porto de Pedras Negras.
No mesmo día haberá gran actividade na zona xa que tamén se celebra unha regata de traiñeiras, co que nos aseugramos unha boa afluencia de público.
A data é o 15 de agosto, verémonos alí.

A Meca na TVG

2008-04-11T00:30:00.001Z

Ola de novo, xa que estamos tamén vos comunicamos que este domingo día 13 de abril, no programa "De proa a Popa" da TVG emitirase un espazo sobre a Dorna Meca, a cita sobre as 15:00 horas.
ACTUALIZACIÓN
Para os que non puideron ver o programa no momento da súa emisión, pinchando aquí podedes velo na web da TVG, emisión correspondente ao 13/04/2008

Asamblea Xeral de socios

2008-04-08T12:15:00.000Z

ASEMBLEA XERAL ORDINARIA
Lugar: Centro de Interpretación da Salga e a Pesca. Punta Moreiras. Ogrobe
Día: sábado 19 de Abril Hora: 19:00 h.

Orde do día

1. Lectura e aprobación da acta anterior, se procede
2. Dación de contas
3. Brest 2008, (Datos definitivos)
4. Calendario de actividades
5. Equipos de organización
6. Convenio CIPES
7. Seguro de navegantes
8. Varios:
Rogos e preguntas

Debida a importancia dos temas a tratar na Orde do día desde a Xunta Directiva agradeceríamos a máxima asistencia posible.

Xa temos datas para as regatas de dornas no Grove

2008-03-18T14:42:00.001Z

Logo de reunirnos na FGCMF para confeccionar un calendario de actividades, acordamos xa as datas para as nosas regatas, que este ano serán:
IV Regata Area Seba, o 14 de Xuño
XII Regata dos Faros, o 26 de xullo
Regata do Marisco 2008, 11 de outubro.
Seguide atentos porque pode haber máis novedades